Friday, September 4, 2015

kada CCM akiri kuhusika na Chadema ‘feki’




KADA wa Chama Cha Mapinduzi (CCM), Didas Masaburi, amekiri kukutana na vijana wanaodaiwa kujifanya wafuasi wa Chadema walioandamana jijini Dar es Salaam kupongeza hatua ya aliyekuwa Katibu Mkuu wa chama hicho, Dk. Willibrod Slaa, kuacha siasa na kushambulia chama chake.
Juzi vijana hao waliandamana wakiwa na lengo la kwenda makao makuu ya Chadema kabla ya kutawanywa na wananchi.
Tangu asubuhi ya jana, sauti ya Masaburi ilikuwa ikisambazwa kwenye mitandao ya kijamii akisikika akiwapongeza vijana hao baada ya maandamano yao kutofikia lengo na baadhi yao kukamatwa na polisi.

Thursday, September 3, 2015

UZINDUZI KAMPENI YA UBUNGE MWANA DIASPORA LIBBE ALIVYOTIKISA MBARALI


 Liberatus Mwang'ombe "Libe" aliye wahi kuishi na kusoma DMV.

 Wazee wa kimila Mbarali  wakimvisha mgolole na kumpa silaha za jadi mwanadiaspora Libbe ikiwa ni ishara ya kumuunga mkono
Picha Juu na Chini, Mwanadiaspora Liberatus akiwa na wabunge Mbilinyi "Sugu" na Joshua Nassari

 Umati uliohudhuria uzinduzi wa kampeni ya Mwana diaspora liberatus 

LOWASSA AFUNIKA SUMBAWANGA

Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa akimnadi kwa wananchi, Mgombea Ubunge wa Jimbo la Sumbawanga Mjini, Ikuo Malila, katika Mkutano wa hadhara wa Kampeni za Mgombea Urais hiyo, uliofanyika kwenye Uwanja wa Kizwitwe, Sumbawanja Mjini. 
Mwenyekiti wa Chama cha Demokrasia na Maendeleo (CHADEMA), Mh. Freeman Mbowe, akizungumza wakati akitolea taarifa swala na ratiba ya Mikutano ya Kampeni za Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa (kushoto) uliofanyika kwenye Uwanja wa Kizwitwe, Sumbawanja Mjini.Kulia ni Mke wa Mh. Lowassa, Mama Regina Lowassa.
Mwenyekiti wa Chama cha Demokrasia na Maendeleo (CHADEMA), Mh. Freeman Mbowe, akihutubia Mkutano wa hadhara wa Kampeni, uliofanyika kwenye Uwanja wa Kizwitwe, Sumbawanja Mjini,

MAGUFULI AKIWA MTWARA AAHIDI KUSHUSHA BEI YA VIFAA VYA UJENZI


 Mgombea Urais wa Jamhuri ya Muungano wa Tanzania kupitia chama cha Mapinduzi Dkt John Pombe Magufuli,akiwahutubia wananchi wa mji wa Mtwara waliojitokeza kwa wingi kumsikiliza kwenye mkutano wa kampeni unaoendelea jioni hii katika uwanja wa Mashujaa. 

Dkt John Magufuli amesema kuwa iwapo atachaguliwa kuwa Rais katika uchaguzi mkuu mwaka huu ,Serikali yake itashusha bei ya vifaa vya ujenzi hasa bati na saruji,amesema kuwa serikali yake inataka kurahisisha maisha ya watanzania wote na hivyo atapunguza bei ya saruji na bati na hilo litafanikiwa kwa kupunguza ushuru wa vifaa hivyo. 

"Serikali ya Magufuli nataka iwe ya kurahisisha maisha ya wananchi wake.Moja ya mambo ambayo ninedhamiria kuyafanya ni kupunguza bei ya bati na saruji.Nataka kuona watu wanajenga nyumba nzuri na za kisasa, hivyo lazima tushushe bei ya vifaa vya ujenzi,alisema Dk.Magufuli.

Alisema anatambua kiu ya watanzania ni kutaka mabadiliko ya maendeleo na kwamba Serikali yake itasimamia kuleta maendeleo ya wananchi na kazi hiyo anaiweza na ndio maana anaomba urais. " Ndugu zangu watanzania serikali ya Magufuli inakuja kuendelea pale ambapo awamu nyingine zimeishia.Tumetoka mbali ,tupo mbali na tunakwenda mbali.Nataka tuwe na maendeleo makubwa na hilo serikali yangu ndio kazi itakayofanya,"alisema Dk.Magufuli huku wananchu wakimshangilia kwa mayowe.

Dk Magufuli tayari hadi sasa amefanya mikutano ya kampeni katika mikoa 6 ya Katavi, Rukwa, Mbeya, Njombe, Ruvuma na Mtwara. ambapo akishinda uchaguzi ameahidi mambo mbalimbali kama vile Eimu ya bure kutoka darasa la kwanza hadi kidato cha nne, kujenga reli kutoka Mtwara hadi Mbamba Bay mkoani Ruvuma, kushusha bei ya vifaa vya ujenzi na kutoa sh. mil. 50 kwa kila kijiji za kuwakopesha wanawake na vijana kuendeleza miradi na biashara zao kwa lengo la kuwaletea maendeleo

  Mgombea Urais wa Jamhuri ya Muungano wa Tanzania kupitia chama cha Mapinduzi Dkt John Pombe Magufuli,akiwahutubia wananchi wa mji wa Mtwara waliojitokeza kwa wingi kumsikiliza kwenye mkutano wa kampeni unaoendelea jioni hii katika uwanja wa Mashujaa. 

JUMA DUNI ASHAMBULIA MTWARA






MAMA SAMIA AITEKA DODOMA MJINI LEO


 Mgombea Mwenza wa Urais kwa tiketi ya CCM, Mama Samia Sukuhu Hassan, akihutubia maelfu ya wananchi katika mkutano wa kampeni Dodoma mjini leo.
 Kijana akiwa na bango wakati akienda mkutano wa  kampeni za CCM Dodoma mjini leo

Wednesday, September 2, 2015

MAKALA YA GENERALI ULIMWENGU, LOWASSA NA WENZAKE CCM IMEJITAKIA



MAKALA yangu ya mwisho ilieleza kirefu kidogo kuhusu michakato ndani ya chama-tawala, jinsi ambavyo haijali sana kuwatendea haki wote wanaosaka nafasi katika chama hicho na ni kwa nini baadhi ya hao wanaohisi hawakutendewa haki, kujitoa ndani ya chama hicho na kujiunga na upinzani.

Shauri la Edward Lowassa bila shaka linachukua nafasi ya juu kabisa katika hili, lakini wako wengi wengine. Yupo waziri mkuu mstaafu, Frederick Sumaye, makamu wa rais, Gharib Bilal, Jaji Mkuu mstaafu, Augustine Ramadhani na wengine wengi wanaoweza kuitwa Watanzania waandamizi, na ambao, kama wote wangependa kusema ya moyoni, wangesema kwamba hawakutendewa haki.

Askofu Gwajima amejibu tuhuma zilizoelekezwa kwake na Dr. Wilbroad Slaa







    Askofu Josephat Gwajima amejibu tuhuma zilizoelekezwa kwake na aliyekuwa Katibu Mkuu wa Chadema, Dk. Wilbroad Slaa kuwa alishiriki kama ‘mshenga’ kumshawishi mwanasiasa huyo kumpokea Edward Lowassa katika chama hicho.

    Jana, Dk. Slaa alimtaja Askofu Gwajima kama mshenga na kwamba alimshawishi ampokee Lowassa huku akidai kuwa askofu huyo alimtamkia kuwa maaskofu 30 wa Kanisa Katoliki walihongwa na timu ya Lowassa.

Yaliyojiri UKAWA na Waandishi: Wajibu tuhuma za Dr. Slaa



Masaa machache yamebakia ili (UKAWA) Waongee na wanahabari juu ya Tuhuma dhidi yao zilizotolewa na Dr. Slaa.
============

James Mbatia: Mjue kwamba, kwenye UKAWA, Kahangwa alikuwa mgombea ambae ametia nia kwa NCCR mageuzi, Lipumba likuwa ametia nia kwa chama chake cha wananchi CUF na CHADEMA wakasema sisi kwenye kamati kuu tumeshavuka hatua zote, mgombea wetu Dr. Slaa, nikiwa nae high table pale millenium tower na Dr. Kahangwa akasema naomba wagombea wenzangu watatu tukutane tuzungumze ili tupate suluhisho la kumpata mmoja, ndio wakaenda kukutana nyumbani kwa professa LIpumba. Dr Slaa, Prof. Lipumba na Dr. Kahangwa tarehe 12/07/2015 siku ya Jumapili. Wakazungumza wagombea wote watatu, kila mtu akaeleza vigezo vyake, na kwanini walienda wakakaa wakazungumza?

Maoni ya Dr. Lwaitama Kuhusu Hotuba ya Dr. Slaa...




Mimi nimesikitishwa na kuhuzunishwa mno na hotuba ya dr. Slaa jana...kama nilivyosema kuhusu mwanangu Zito hapo nyuma na sema hivyo hivyo kwa rafiki yangu Dr Slaa sasa...wote ni WASALITI wa vuguvugu la uma la kukiondoa chama dola cha CCM madarakani...

Mimi kuanzia wiki iliyopita ni mwana chama wa Chadema...kadi nilinunua Dar es Salaam makao makuu ya Chadema DSM na nilikabidhiwa na mwanangu Benson Kigaila Dodoma , mji mkuu wa Tanania , Jumapili iliyopita wakati wa ufunguzi wa kampeni ya Benson Kigaila ya kuwania Ubunge Doadoma Mjini... Benson Kigaila ni kati ya wajamaa wengi tu ndani ya chama cha kibepari cha mrengo wa kati cha Chadema kilichoanzishwa na matajiri kama mzee Mtei na mwanagu Mbowe ambao, kama Ndg Lowasa , ni wazalendo matajiri wanaochukia umasikini na wangetamani kuwasaidia Watanzania wengi iwezekanavyo kuwa matajiri...